Fechamos folque.com 2.0 3249 lecturas
		Este sitio estivo activo desde o 20 de Setembro de 2004 até o 2 de Junho de 2006. Durante este tempo publicaron-se 810 novas e estivestedes connosco compartilhando-as 276 usuari@s registrados, acadando cifras tam significativas de visitas como as totais do projecto, aproximadamente 150.000 ou as actuais visitas diarias de promedio, em torno às 500. Quixera dar-vos as graças a tod@s pola vossa participaçom, desejando que esta versom fosse de utilidade. Este projecto foi gestionado desinteressadamente e de balde desde o seu inicio por bandua.com como serviço de apoio á importante labor desenvolta pola “Asociación do Conservatorio de Música Tradicional e Folque de Lalín”. Agradescimento especial, como nom à aCMTF, a Ugia e a Pili, e a toda a equipa de trabalho, professores e alumn@s, pola confiança, apoio e aportaçons dadas. Por suposto, folque.com, nom morre aquí, mudamos de soporte e avançamos uma versom. Deixamos atrás o actual soporte postnuke 0.7.6.2 e nos incorporamos á forte corrente de desenvolvimento do projecto WordPress 2.0.2 Abrimos folque.com 3.0 A principal particularidade de esta nova versom será que em quanto a conteudos estará gestionada integramente pola aCMTF e em quanto a estructura, simplificamos. Para contactar com o projecto mantemos as duas contas de correio actuais: conservatoriofolque[a]folque.com para contactar com o centro docente info[a]folque.com para contactar com o sitio web Iniciamos folque.com 3.0 IMPORTANTE: Se nos segues mediante o feed, lembra-te de actualizalo. Deixamos o actual: http://bandua.net/info/041008_folque/backend.php Incorporamos o novo: http://bandua.net/info/060602_folque/?feed=rss2 Beijinhos do webmaster
		Enviado por: bombo Venres, 02 de Xuño de 2006 ¿comentarios?

		SORTEASE UN SIFóN DO BAILE DE RUA - PORTADA do CD de MARFUL 3154 lecturas
		Sorteio muito especial 2 O superpolo da web de Marful foi criado por um artista e desenhador que está envolvido também no projecto de Aduaneiros sem fronteiras. Quem é? Quem foi o primeiro guitarrista de Marful. O nome do primeiro guitarrista começa por Mi. De quem é a letra da única cançom em francês do disco... bem, essa é fácil de encontrar. As fotos fôrom feitas em lugares muito relacionadas com a inspiraçom da música de Marful. Dónde? Quem inventou o mecanismo do sifom...? O prémio é um desses fantásticos sifons que aparecem na capa do disco e assinado por toda e todos os marfules. O presente entregarase na rolda de prensa que o grupo dará na Chocolataria de Santiago de Compostela o dia 31 de xuño ás 12 horas. Envia as tuas respostas e entra no sorteo en: www.clubedefansdemarful.blogspot.com
		Enviado por: xú Xoves, 25 de Maio de 2006 ¿comentarios?

		O ARTISTA LALINENSE MISHA BIES GOLAS TEN UNHA HISTORIA DE AMOR 3495 lecturas
		A Fundación Granell de Compostela acolle o dia 1 de xuño a exposición-presentación do libro Leningrad do artista lalinense Misha Bies Golas (Miguel Calvo Ulloa) e J.Carlos Rodriguez ás 20 horas. Interpretará Pablo Doval (tuba) unha peza titulada Salve Venere, Salve Marte do autor John Stevens. Unha historia de amor entre o collage e a poesia.
		Enviado por: xú Xoves, 25 de Maio de 2006 ¿comentarios?

		RECOPILATORIO DE MúSICA EN GALEGO 5227 lecturas
		A Coordinadora de Centros Sociais de Galicia (A Esmorga, A Revolta, A Reviravolta, etc... ) ven de publicar un recopilatorio de música en galego de grupos máis ou menos novos e máis ou menos consagrados. GUEZOS aparece co tema que lle da o nome o seu disco TERRADENTRO. Os grupos que aparecen son FESTICULTORES, CENK, GUEZOS, GALEGOZ, NAO, A MATRACA PERVERSA, PROJECTO GHARATÁ, POTEMKIM, A BANDA DE POI, NENO PETAKA, SKARNIO, OFENSIVA, OS TRES TREBÓNS, TINO BAZ e LAMATUMBÁ. Un disco interesante para ver por onde vai a música en galego de hoxe. E a un precio máis que interesante. ...de momento á venda nos Centros Sociais, pero todo chegará. Un saúdo: GUEZOS.
		Enviado por: guezos Mércores, 24 de Maio de 2006 ¿comentarios?

		concertos: CONCERTO FOLQUE INFANTIL NO TEATRO PRINCIPAL DE PONTEVEDRA 3198 lecturas
		Preséntase o resultado das aulas nas que participaron 12 rapaces e rapazas de 7 a 11 anos, o percusionista Xurxo Troncoso, a profesora de canto Pili Araújo, o compositor Nacho Muñoz e o bailarin Marcelo González ao longo do curso 2005-06 nas dependencias do antigo Conservatorio de Música de Pontevedra. Un traballo desenvolto a partir de 4 espazos creativos independentes, unificados posteriormente para deseñar a performance para este sábado, 27 de maio, ás 18.30, no Teatro Principal de Pontevedra. Virán convidados tamén para este concerto os nenos e nenas da Escola Folque Infantil de Lalín, creando así a primeira oportunidade de convivencia e mostra folque infantil para o público de Pontevedra. A AFI, Aula Folque Infantil, coordinada pola Asociación do Conservatorio de Música Tradicional e Folque e promovida polo Concello de Pontevedra, está formada por: Aula de canto, coordinada por Pili Araújo, traballando con material que provén principalmente da tradición vocal galega, facendo incursións (ou excursións...) a outras culturas musicais do planeta mentras os nenos e nenas ian descubrindo o seu propio son por medio do canto. Aula de percusión, coordinada por Xurxo Troncoso, traballando coa percusión como extensión do corpo e aportando a súa experiencia no mundo do teatro para misturar son, narrativa e escea. Aula de baile, coordinada por Marcelo González, centrándose no movemento, a coordinación espacial (individual e colectiva) e o sentido escénico, desde bailes tradicionais galegos a coreografías deseñadas por él mesmo. Aula de experimentación e escoita, coordinado por Nacho Muñoz dende o material sonoro xerado polos propios alumnos e alumnas, partindo de improvisacións libres (despoxadas de conceptos, normas ou estilos donde a expresión convírtese no máis esencial) ata chegar pouco a pouco á composicións máis elaboradas. O profesor foi un mero intermediario deste proceso compositivo delengando delegando o groso das decisións no alumnado.
		Enviado por: bombo Martes, 23 de Maio de 2006 ¿comentarios?

		Organizan dende a Rede o Día do Orgullo Friki para o vindeiro 25 de maio 2860 lecturas
		There isn`t barn without straw...
		Enviado por: gaitómano Martes, 23 de Maio de 2006 Ler máis... ¿comentarios?

		Imaxina Sons 2006 3005 lecturas
		Xa está dispoñible o programa do festival de jazz de Vigo Imaxina Sons 2006, que durará dende o quince de xuño ata o tres de xullo. Hai tantas cousas interesantes que dan ganas de mudarse a vivir alá, pero entre todas eu destacaría, por destacar algo, a dous referentes do jazz contemporáneo como son o clarinetista Louis Sclavis e os inclasificables The Art Ensemble of Chicago. Un verdadeiro luxo. Se vos gustan estas músicas, non o podedes perder. E se non vos gustan, ¿será que as tedes probado pouco? Podedes consultar o programa completo aquí.
		Enviado por: benxa Martes, 23 de Maio de 2006 ¿comentarios?

		Parece ser que a Xunta promove a Masturbación e a promiscuidade 3196 lecturas
		There isn`t barn wihout straw...
		Enviado por: gaitómano Martes, 23 de Maio de 2006 Ler máis... ¿comentarios?

		Los gallegos no pueden trabajar en casa por falta de banda ancha 2975 lecturas
		There isn`t barn without straw... So o 12.6 dos galegos teñen serviza de banda ancha nas suas casas.... http://www.elcorreogallego.es/index.php?idNoticia=47210
		Enviado por: gaitómano Martes, 23 de Maio de 2006 ¿comentarios?

		seráns: Serán no Carballal-Cabral-Vigo 3098 lecturas
		A Asociación Cultural O Coto de Carballal-Cabral, Vigo quere convidar a todos a asistir ao V SERáN no Colexio Carballal (Avda, Aeroporto-Cabral, Vigo) o dia 20 de maio a partires das 21:30 horas, na que se conta coa participación de diferentes grupos de música tradicional, e pola media noite aperitivo e chocolate para todos os asistentes.
		Enviado por: OCoto Martes, 23 de Maio de 2006 ¿comentarios?

		Preto de 600 persoas ateigaron o MACUF no concerto de Lamatumbá do pasado martes 2583 lecturas
		O pasado martes, co galo do Día das Letras Galegas Lamatumbá e preto de 600 almas desexosas de festa prenderon lume no MACUF da cidade da Coruña. Invitámosvos a ver un mini-vídeo da festa que se montou no concerto na nova web de lamatumbá: www.lamatumba.com
		Enviado por: sergio-falcatruada.c Venres, 19 de Maio de 2006 ¿comentarios?

		Os pontevedreses AVELAÍÑA presentan o seu novo disco 2376 lecturas
		AVELAÍÑA presenta o seu segundo traballo discográfico “Xan e Sabela” (falcatruada, 06), 14 temas que nos levan por un mesmo fío conductor: a historia de Xan e Sabela, unha parella galega durante os derradeiros anos do século XIX, narrada nas letras de 8 cancións intercaladas por pezas instrumentais que funcionan como ambientes de transición. Os pontevedreses Avelaíña, cunha formación eminentemente feminina moi pouco habitual nas bandas de folk, apostan por métricas pouco comúns que “desperten” o oído de quen escoita. A instrumentación neste traballo é moi equilibrada, mesturándose sons electrónicos, guitarras eléctricas e instrumentos acústicos propios da música folk. >> MP3 [ escoita "Catro ou Cinco" ] << [ www.avelaina.com ]
		Enviado por: sergio-falcatruada.c Venres, 19 de Maio de 2006 ¿comentarios?

		concertos: X Festa da Marosa en Burela os 19 e 20 de maio 2006 3580 lecturas
		X EDICIÓN DA FESTA DA MAROSA - "GOZA CO SABER DO POVO" venres 19 e sábado 20 Este ano, para celebrar os 10 anos da festa, engádese un día máis de festa con programación galega.
		Enviado por: Abada Venres, 19 de Maio de 2006 Ler máis... ¿comentarios?

		concertos: Concerto Iriadona - Casa da Lubre, A Coruña 2513 lecturas
		Concerto folk IRIADONA (Pontedeume) Casa da Lubre Rúa Orzán, 68 A Coruña mércores, 16 de Maio 23h entrada gratuita
		Enviado por: galaecia Venres, 19 de Maio de 2006 ¿comentarios?

		concertos: GUADI GALEGO e UGIA PEDREIRA 2537 lecturas
		16 DE MAIO. NORDESTINAS no Paraninfo da Universidade da Coruña. 18 DE MAIO. NORDESTINAS en Ponteceso. 20 DE MAIO. Presentación do disco de MARFUL en Lisboa. Museo da Republica.
		Enviado por: xú Venres, 19 de Maio de 2006 ¿comentarios?